رئیس سازمان او فاضلاو روستاها چهارمحال بختیاری اگود: منه ای استان 803 تا روستا هده که 603 روستاهاس بالا 20 حونه واده جمعیت دارن و به خاطره یو که وزارت نیرو تعهد داد که تا آخر برنامه چارم حتما همه روستاها صد در صد او خردنی داشته بوون.



وه گزارش خورگزاری بختیاری (ایبنا نیوز) قاسمعلی خدابخشی در ای باره اضافه کرد: بیشتر ی روستاها کنتور آو ندارن و زه چه آوی و چشمه هاسون آو گرن و ما پیل آو زسون نگیریم ولی با ای حالم ما به فکرسونیم تا آو بهداشتی بخورن.

ای پیا ادامه داد و گود: منه روستاها تحت پوشش که کنتور سیسون نادیم امسال که حشکسالی اوید فهمستیم که اوسون کم وابید و همو چه هاسون هم حشک وابیدن و به خاطر هم حشکسالی با تانکر او سیسون او بهداشتی ایبریم.



ته خور/