دومین همایشت شهنومه خونی بختیاری مئن اهواز وا حضور غلوه مردم برگزار آوی، محمد بخشی مسئول گروه فرنگی آسماری گود هدف زه برگزاری ای همایش معرفی رسیم شهنومه خونی بختیاری و گل گرهدن ملی بی.
وه گزارش خورگزاری بختیاری( ایبنا نیوز)، ای همایش که جمه پسین 20اذر مئن مجتمع ورزشی گلسون اهواز وا همت گرو فرنگی اسماری برگزار اوی، بشخای شهنومه خونی
نقالی و متل خونی خومونی وه گویش لری داشت، وا استقبال غلوه بختیاریل اهواز گرهده اوی.
ری همی گزارش استقوال وه ای مراسم وه حدی بی که زیتر زه شروع  ای برنامه سالون جا برگزاری  پر اوی زه مردم  و  دسته غلوه ای زه مردم که سی سیل مراسم اووده بین نترستن جا بگرن.
سی دل علاقه مندونی که نترستن جا گیر بیارن مسولا گرو فرهنگی  آسماری وا نهادن دستگاها نشون دهنده وه ای عزیزون هم ری خوش نشون دان تا اونو هم سیل بکنن.
مئن ای مراسم هنرمندون و شهنومه خونون بختیاری زه استانا دی وه اجرا کار مشغول اویدن.
که آدمگل مئن سالون خوشسون اوود و تشویق سون کردن.
همیطورو شهنومه خونونی چی نوربخش احمدزاده، رامین طهماسبی، بتواز،فرهود طهماسبی و جواد خسروی نیا سراینده شهنومه  بختیاری برنامه داشتن .
و بعد ای هم  غلامشاه قنبری، رضا صالحی و کوروش اسد پور  یه چنتا بیتی زه حماسه بختیاریل سرون .
وه قسمت ها مهم ای گرد همایی بیدن زنگل فرنگ دوس بختیاری بی که یه جا گپی زه سالونه گرهده بیدن. هنرمندون زینه ای چی نیوشا احمدزاده و فهیمه باروتچی سرود خونون ای روز بین که متل ها شهنومه نه خوندن.
وه خویی ها ای مراسم  ورگشتن موفق خووننده سر دیارا بختیاریل غلامشاه قنبری و معرفی رضا صالحی وه نوم یکی زه خونندها جوون بی.
مئن سایه ای مراسمو نمایشگاهی درباره شهنومه، تابلویل و کتاوا دربارس و همیطؤر بهونا فروهدن نون و دو خومونی در نظر گرهده آوی بی.
ویدن غلوه مردم و نبیدن جا سی هونو مئن ای مراسمو، یه بار دی نشون دا که شهر گپ اهواز جا خویی سی گرهدن مراسماتی ایجوری نئاره.
هموطؤری که خوتون دونین شهنومه خونی یکی زه رسیم بختیاریل هده که مئن جاها مختلف بختیاری وا مراسم دنگ رزمی، مسابقات اسب سواری و متل خونی برگزار ابوه.
ته خور/